“Ballkani i hapur”, Berisha: Nismë që e çon Ballkanin drejt hapësirës euroaziatike

Ndërsa ishte i ftuar në Ora News ku u pyet për disa tematika, ndër më kryesoret ishte deklarata e Yuri Kim që i bëri thirrje hapur liderit të PD, Basha për të mos u futur në parlament me Berishën, ky i fundit nuk i shpëtoi edhe pyetjeve të tjera me fokur zhvillimet e fundit siç ishte forumi ekonomik në Maqedoninë e Veriut me pjesmarrjen e Serbisë, Shqipërisë dhe vendit pritës.  Berisha u pyet për nismën”Ballkani i hapur” ku mungojnë tre shtete, Kosova, Bosnjw Hercegovina dhe Mali i Zi.

Për ish- kryeministrin kjo nismë është vazhdim i nismës së dështuar të Novi Sadit me emrin Minishengen por që tani i morën hua termin hapur.

Berisha tha se duket se BE ishte irrituar nga emërtesa Shengen që është një vend anëtar i BE dhe është një traktat i rëndësishëm. Sipas tij Minishengen i krahasuar me Shengenin e vërtetë nuk i përshtatej BE.

“Kjo nismë është e tëra në funksion të serbomavisë, në funksion të shndërrimit të Vuçiç dhe të Serbisë si epiqendër politike e Ballkanit në një farë mënyrë, është përpjekje për jugosllavi të re. E tëra një fantazmë kundër stabilitetit të rajonit dhe në veçanti kundër Kosovës.

LEXO EDHE  Vaksina anti-Covid edhe për foshnjat deri në 6 muaj? Çfarë po ndodh

George Soros mbështet një nismë kundër Kosoës dhe pro Serbisë. E vështirë të dish arsyet e vërteta, por mund të them disa gjëra. Ne kemi vendosur lëvizjën e lirë gjatë qevrisjes sonë me të gjitha vendet, përveç Serbisë. Shqipëria kurrë nuk mund t’i lejonte vetes të bashkëpunonte me Beogradin kundër Kosovës. Kosova me këtë nismë që nga Novi Sad herë është ftuar e herë jo, por dihet që ajo është anashkaluar.

Së dyti: Ti bësh lavde Vuçiçit, të ngresh lartë atë që e ka vendin në Hagë, që ka qenë lajtmotiv që bëri gjithçka për të fshehur Ratko Mlladiçin nga drejtësia, që në 2019 deklaroi se Serbia do bëhet më e madhe se do marrë territorin e Kosovës, është shërbimi më i keq që i bën kombit tënd, vendit tënd”, tha Berisha.

Berisha tha se kjo nismë e çon Ballkanin drejt hapësirës euroaziatike dhe është shkatërrimtare për prodhimin shqiptar.