Policia e Durrësit ka arrestuar ditën e sotme Rexhep Arapin, të njohur edhe si “Kepi”.
Mësohet se ai është arrestuar për armëmbajtje pa leje në lokalin e tij.
Arapi nga Sukthi është një personazh i njohur, pasi është me precedent penal, i skeduar nga drejtësia. Në mars të vitit 1991 u akuzua se vrau në Portin e Durrësit për shkaqe gjakmarrjeje qytetarin A. Çyrbja, banor i fshatit Katund Sukth. Por për këtë krim që u akuzua në 1994 u lirua për mungesë provash.
Arrestimi
“Shërbimet e Policisë në bazë të informacioneve të mara se në ambinetet e një lokali në autostradën Durrës-Tiranë, ndodhej një shtetas i cili dispononte armë zjarri me vete, kanë ushtruar kontrolle dhe në banakun e lokalit kanë gjetur një çantë dore ku u gjet një armë zjarri pistoletë e cila nga veprimet hetimore rezultoi se i përkiste shtetasit Rexhep Rapi”, njoftoi policia.
Po ashtu, u procedua penalisht për veprën penale “Moskallëzim krimi”, shtetasi G. M., (punonjës i subjektit), i cili sipas bluve, kishte dijeni për armën e zjarrit dhe nuk ka treguar.
Në cilësinë e provës materiale u sekuestruan 1 armë zjarri pistoletë dhe mjeti tip “Benz”, i blinduar me të cilën Arapin lëvizte.
Ndaj tij, rëndon akuza për veprën penale “Armëmbajtja pa leje”.
