Dhuna ndaj grave, Basha: PD do të ndërmarrë hapa ligjorë për të frenuar fenomenin

Kreu demokrat, Lulzim Basha, ka reaguar lidhur me ngjarjen e ndodhur në Gjirokastër, ku burri i vuri flakën gruas.

Basha shprehet se ky është një krim i tmerrshëm.

“Dhuna ndaj grave është një plagë e madhe sociale që kërkon një kurë të shpejtë, të thellë dhe gjithëpërfshirëse. Është e papranueshme që dhuna të jetë pjesë e përditshmërisë, sidomos për gratë dhe vajzat që jetojnë në kushtet e varfërisë dhe varësisë ekonomike.

PD do të ndërmarrë hapa ligjorë konkretë për të forcuar mbrojtjen e nënave e vajzave dhe për të frenuar këtë fenomen që shkatërron familjet”, shkruan Basha në rrjetin social.

LEXO EDHE  Trafiku i dro*ës/ Arrestohen në Spanjë 12 persona, mes tyre edhe shqiptarë

Sipas policisë, shtetasi Panajot Janaqi, ka tentuar të djegë gruan e tij, e cila ndodhet në gjendje të rëndë në reanimacionin e spitalit të Gjirokastrës.

Edhe vetë Janaqi është në spital, në repartin e djegie-kirurgjisë për shkak të plagëve që ka marrë.

Kanë qenë banorë të fshatit Këllëz ata që kanë ndërhyrë për të parandaluar këtë konflikt në familje, që ka përfunduar me pasoja për çiftin e bashkëshortëve.