Talenti i Apolonisë mesazh të qartë “Demave”: Të gjithë e dinë historinë e Partizanit!

Redon Mihana dhe Mario Gjata janë dy objektiva të Partizanit për të përforcuar repartin e sulmit. Mihana luan në të dy krahët e ofensivës, ndërsa Gjata do të shtonte konkurrencën për Stenio Juniorin.

Në një intervistë për “Panorama Sport”, talenti i Apolonisë “konfirmon” dëshirën e tij për t’iu bashkuar të kuqve, nëse nuk transferohen më parë në ekipe jashtë Shqipërie ku ofertat nuk kanë munguar.

Bisedimet “Lajmin për Partizanin e pashë sot, por nuk e di sa e vërtetë është, pasi për momentin nuk kemi pasur bisedime, të paktën me mua personalisht. Nuk e di nëse klubet kanë pasur bisedime. Kam oferta dhe nga jashtë, por do të shikojmë në ditët në vazhdim”.

Sezoni i shkuar –Të them të drejtën, në aspektin kolektiv nuk ishte një sezon shumë i mirë, pasi prisnim të tjera rezultate dhe morëm të tjera. Megjithatë, në aspektin personal, mund të them se kam bërë një sezon të mirë, pasi isha dhe në rolin tim natyral dhe mu dha mundësia të tregoj vlerat e mia”

Partizani- “Normalisht, të gjithë e dinë historinë e Partizanit, është një klub shumë i madh në Shqipëri. Sigurisht që do të ishte një hap i madh të kaloja te Partizani. Në Shqipëri, është arritje e madhe të luash me Partizanin”.

Përshtatja“Mendoj se do të përshtatesha shumë mirë te Partizani, por siç e thashë, për momentin nuk kam pasur personalisht ndonjë bisedim konkret. Do ta vendosin dy klubet besoj. Sa u takon ofertave nga jashtë, po merren drejtuesit e klubit të Apolonisë, besoj se ata do të vendosin më të mirën”, tha Mihana.

LEXO EDHE  Skënderbeu, konfirmohen dy mungesa të rëndësishme ndaj Partizanit