Kërkoi rikthimin në detyrë, ja çfarë vendos Apeli për Artan Shkëmbin

Gjykata e Apelit ka lënë në fuqi pezullimin nga detyra të ish kreut të OFL-së Artan Shkëmbi, i cili akuzohet për nxjerrje të sekretit hetimor të autoriteteve gjermane.

Nga raportimet mësohet se Gjykata e Apelit ka vendosur të rrëzojë kërkesën e Shkëmbit për të shfuqizuar vendimin e Gjykatës së Shkallës së Parë për pezullim nga detyra.

Autoritetet gjermane kishin kërkuar informacion në lidhje me dy persona të cilët akuzoheshin se kishin kryer veprimtari kriminale, por që sipas tyre në lidhje me këtë kërkesë ishte vënë në dijeni vetë grupi kriminal.

LEXO EDHE  Strazimiri thumbon Bashën: Mos ke vendosur të drejtosh një parti-bandë pazaresh

Sipas gjermanëve ishte vetë Shkëmbi ai që dekonspiroi informacionin duke vënë në dijeni Aleksandër Prronin dhe Klaudio Vukajn përmes një platforme “chati” të kriptuar se po hetoheshin nga Gjermania.