Ditën e djeshme në Kosovë ishte ditë zie. Me vendim të Presidentes Osmani, vendimi u mor në kujtim të 10 kosovarëve që humbën jetën në aksidentin tragjik në Kroaci.
Për shkak të kësaj tragjedie që na la të gjithëve zemërthyer, një numër i konsiderueshëm i artistëve shqiptarë anuluan mbrëmjet muzikore të organizuara dje.
Këtë vendim e morën emra si: Gjiko, Melinda, Elvana Gjata, Capital T dhe Rina Balaj.
Megjithatë, jo të gjithë vepruan kështu. Përpos artistëve që ishin të caktuar të këndojnë në dasma të cilat nuk mund të shtyhen si Remzie e Nexhat Osmani dhe Gold AG, koncertet në klube i zhvilluan emra si Dafina Zeqiri, Azet, Ledri Vula, Lumi B dhe DJ Regard, shkruan “Prive”.
Mbrëmja e djeshme i gjeti në punë edhe Mozzikun, Getinjon dhe Kidën, vetëm se me një dallim. Tre artistët performuan jashtë territorit të Kosovës, të parët në Ulqin kurse e dyta në Preshevë.
