Manchester United dhe Real Madrid negociojnë prej javësh transferimin e Rafael Varane te anglezët. Kontrata e tij skadon në verën e ardhshme dhe nuk dëshiron të rinovojë, por ka arritur marrëveshje me Solskjaer për kalimin në Premier League.
Edhe klubet më në fund kanë gjetur akordin mes tyre. Deportes Cuatro nga Spanja bën me dije se Manchester United do paguajë 50 milionë euro për Rafael Varane dhe në orët në vijim të dy klubet do konfirmojnë këtë lëvizje në rrugë zyrtare.
I njëjti burim bën me dije edhe një tjetër lëvizje të bujshme që do pasojë ikjen e Varane. Bëhet fjalë për aksin Paris-Madrid, me Kylain Mbappe, që mund të zbarkojë në “Santiago Bernabeu”. Të gjitha paratë e marra nga shitja e Varane do përdoren për të plotësuar paratë që duhen për të blerë francezin.
