Nikoll Lesi zbulon kulisat e PS: Veliaj Kryeministër, Rama synon postin e …

Në një kryeartikull të botuar në Koha Jonë, gazetë e Nikoll Lesit, zbulohen disa nga kulisat rreth zhvillimeve të pritshme në Partinë Socialiste.

Në artikull thuhet se Erion Veliaj ka filluar të forcohet brenda PS, pa u ndierë dhe pa manifestim të hapur interesi karriere për më lart. Madje thuhet se Veliaj ka ka gjetur një marrëveshje fine me kryeministrin.

“Edi Rama e mori mandatin e tretë dhe hyri në histori si i vetmi kryeministër me tre mandate (flasim pas vitit 1991) dhe zor se do ta arrijë njeri tjetër.

Edi Rama ka filluar të punojë me një plan të mirëmenduar duke kaluar kufirin shqiptar, bile përtej Rajonit tonë. Me Turqinë ka marrëdhënie të shkelqyera, me Greqinë marrëdhënie interesi, me SHBA mbetet partner i besueshëm, me Italinë ka miqësi që vetëm forcohet. Me Gjermaninë dhe Francën luan me kujdes, por i pranueshëm.

LEXO EDHE  "Kr*me kam bërë vetëm në Shqipëri"/ Prokuroria e Pukës, gati urdhër-arrestin për Pecorellin

Në Tiranë Edi Rama i ka shtrirë dorën Lulzim Bashës, bile edhe me bashkëqeverisje nëse pranon selia blu. Pra ai ka strategji se këtë mandat nuk kërkon asnjë sherr brenda vendit, sepse diku pas një viti e kusur mbaron mandati i sekretarit të Përgjithshëm të NATO-s, Jens Stoltenberg.

Burime të besueshme tregojnë se këtë post të rëndësishëm të NATO-s e synon Edi Rama. Kandidatura e Ramës do hidhet për miratim nga Turqia, e cila ka ushtrinë e dytë më të madhe në NATO. SHBA-së i intereson një aleat besnik siç është Shqipëria.

Skema vazhdon se kush do ta zëvëndësojë Edi Ramën nëse zgjidhet Numri Një i NATO-s. Do jetë Erion Veliaj që merr PS dhe qeverinë.

Ndaj të dy luajnë në harmoni, sepse iu përkojnë interesat afatgjata. Njeri mbaron punë këtu e ikën! Tjetri vjen e ngjitet!”, thuhet në artikullin e Koha Jonë.