Në kërkim për tentativë vrasje, arrestohet i riu në kërkim

Një 32-vjeçar i shpallur në kërkim, për veprat penale  “Vrasje me dashje e mbetur në tentativë” dhe “Prodhim e mbajtje pa leje e armëve, armëve shpërthyese dhe municionit”, është arrestuar në Vlorë.

Policia njoftoi këtë të Hënë se, bazuar edhe në informacionet e marra në rrugë operative për vendndodhjen e një personi me rrezikshmëri shoqërore në fushën e krimeve ndaj personit, strukturat e Drejtorisë Vendore të Policisë Vlorë, Forcat e Posaçme “Shqiponja” kanë lokalizuar dhe vënë në pranga Rodrigo Shemsho alias Juxhin Orhan, banues në Vlorë.

LEXO EDHE  Kundër çertifikatës së vaksinimit, protestuesit përshkallezojne situatën në Itali

Ky person, më datë 13.12.2020, gjatë një konflikti të çastit, dyshohet se ka tentuar të vrasi me armë zjarri, shtetasin B. A., 38 vjeç, banues në Vlorë. Më parë në lidhje me këtë ngjarje është vënë në pranga nga Policia shtetasi K. M., 47 vjeç, për veprën penale “Moskallzimi i krimit”.