Dita e sotme ishte e shënuar për Kosovën, pasi xhudistja Nora Gjakova fitoi medaljen e artë në Lojërat Olimpike që po zhvillohen në Tokio.
Por Radio Televizioni Shqiptar, kanali publik që mbahet me lekët e taksapaguesve dhe që deklaroi se do të japë Lojërat Olimpike nuk e pa të arsyeshme për të transmetuar turneun e xhudon ku garonte Gjakova, në asnjërin prej tre kanaleve të dedikuara.
Madje gjatë kohës që xhudistja nga Kosova po luftonte në gjysmëfinale, RTSH jepte sporte të tjera nga Lojërat Olimpike, ndërsa kur po zhvillohej finalja e madhe Radio Televizioni Shqiptar në kanalin RTSH Sport transmetonte ndeshjen e basketbollit mes Serbisë dhe Kanadasë.