Një burrë nga Brooklyn-i është parë duke goditur me grushta një burrë 68-vjeçar dhe duke ia shkelur kokën, para se t’ia kontrollonte xhepat ndërsa ai qëndronte pa ndjenja në rrugë në mes të ditës, ndërsa vala e krimit në New York vazhdon.
Në një video shqetësuese të lëshuar nga Departamenti i Policisë së Nju Jorkut, shfaqet një burrë i zi që mban një kapuç dhe një maskë mbrojtëse blu, duke filluar sulmin e egër në 9 të mëngjesit të së shtunës në lagjen East New York.
Kur viktima i reziston sulmit, agresori fillon ta grushtojë, duke i lëshuar goditje me një qese të zezë që mbante në dorë.
Pas disa çastesh, viktima bie përtokë, dhe në këtë pikë i dyshuari fillon të godasë me shpejtësi burrin edhe disa herë në kokë, duke i dhënë fund sulmit të tij duke ia shkelur kafkën burrit në fjalë.
Kur është e qartë që njeriu është pa ndjenja dhe nuk po lëviz më, i dyshuari përdor sythet e rripave të burrit për ta rrotulluar përpara se t’ia kontrollojë xhepat e pasëm.
Ai e merr telefonin celular të burrit dhe heq një zinxhir që ka veshur përpara se të braktisë biçikletën dhe të ikë nga vendi i ngjarjes në këmbë, sipas New York Daily News.
Viktima më vonë u dërgua me urgjencë në një spital lokal me një hundë të thyer, një dore të thyer dhe prerje në të gjithë trupin. Mbetet e paqartë se çfarë ka çuar në këtë grabitje dhe nëse policia ka ndonjë pistë për sulmin.
