Policia e Tiranës ka shpallur në kërkim 3 persona lidhur me plagosjen e dyfishtë që ndodhi mbrëmjen e djeshme te rruga “Todi Shkurti”, pranë Qytetit Studenti në Tiranë.
Policia njofton se përveç autorit Aldo (Iamandi) Gjini në kërkim janë shpallur edhe dy persona të tjerë, bashkëpunëtorë në krim, të cilët janë Njazi Kulla 25 vjeç dhe Besard Pashkaj 22 vjeç.
Gjithashtu në cilësinë e provës materiale janë sekuestruar 3 mjete, njëri prej të cilëve ishte “Audi” në përdorim nga autori i ngjarjes.
Çfarë ndodhi mbrëmjen e së shtunës
Një ngjarje e rëndë ndodhi mbrëmjen e sotme në Tiranë, pranë zonës së njohur si ‘Tregu Elektrik’ në rrugën “Todi Shkurti’, ku si pasojë e të shtënave me armë kanë mbetur të lagosur dy persona.
Dy personat e plagosur janë Jetmir Marashi 28-vjeç dhe Altin Gjoka 32-vjeç, të cilët janë qëlluar nga Aldo Iamandi (Gjini), i cili është ende në kërkim nga policia.
Burimet bëjnë me dije se sherri ka nisur për shkaqe banale, pasi pak më herët dy personat e plagosur kishin fërkuar makinën me mjetin e autorit.
Dy të plagosurit ndodhen në spitalin e Traumës ku janë nën kujdesin e mjëkve për shkak të plagëve të rënda që kanë marrë në trup.
Sipas të pranishmëve në vendngjarje dy personat eplagsur janë shokë me njëri-tjetrin dhe në momentin që janë qëlluar kanë qenë duke pirë kafe pranë ‘Grandit’ në ‘Tregun Elektrik’.
Fillimisht mes personave ka patur një debat të ashpër me fjalë fyese më pas Aldo Iamandi (Gjini) ka nxjerrë pistoletën dhe ka qëlluar ndaj dy të rinjve, ku aktualisht raportohet se gjendja e Jetmir Marashit është e rëndë.
“Më datë 24.07.2021, rreth orës 20:30, në rrugën “Todi Shkurti” , dyshohet se gjatë një konflikti të çastit janë plagosur me armë zjarri shtetasit A. Gj., 32 vjeç dhe J. M., 28 vjeç, të cilët u dërguan në spital dhe ndodhen nën kujdesin e mjekëve.
Fale veprimeve të shpejta dhe profesionale dhe si rezultat i hetimeve paraprake të kryera në vendngjarje dyshohet se autor i ngjarjes është shtetasi A. I(Gj)., 31 vjeç. Vijon puna intensive për kapjen e tij”, njoftoi dje Policia.