Lukas Kardozo ishte një nga lojtarët më aktivë të Partizanit në ndeshjen kundër Bazelit, duke u munduar të tregohej i rrezikshëm për skuadrën e tij.
Rastet arriti t’i krijojë, por finalizimi i sulmuesit brazilian mungoi. Të kuqtë u mposhtën me rezultatin 3-0 përballë një ekipi që dominoi totalisht në fushën e blertë.
Pas ndeshjes Kardozo ka bërë një postim në rrjetet sociale, ku duket mjaft i motivuar për sfidën e ardhshme. Në faqen e tij, Kardozo shkroi: “Është gjithmonë e rëndësishme të besosh që ëndrrat mund të bëhen realitet, ku qielli është limiti dhe ti je i pamposhturi”.
