Kanë përfunduar kualifikueset për sportistin rus Matvei Petrov i cili përfaqëson Shqipërinë në disiplinën e gjimnastikës, kategorinë kaluç.
Në divizionin e dytë, Matvei arriti të grumbullonte 14,733 pikë duke u renditur në vendin e 10-të. Rregulli është që vetëm 8 të parët të renditen në finale, por rezultati i ngushtë i jep mundësi rusit të shpresojë deri në fund për një vend në finale.
Janë 3 rastet më të mundshme kur mund të ndodhë mrekulli, dhe Matvei të kualifikohet në finale.
1-Testet Antidoping
Pas kalimit të fazës së parë, sportistët i nënshtrohen një testi antidoping dhe në rast se ndonjëri prej tyre rezulton pozitiv atëherë renditja ndryshon sipas numrit të pikëve dhe Petrov mund të ketë këtë shans.
2-Covid-19
Prania e sportistëve të shumtë në Olimpiadë mund të sjellë dhe infektime me Covid-19, dhe për shkak të situatës së komplikuar në Japoni për numrin e infektimeve, mund të ndodh që përsëri renditja të ndryshojë dhe Petrov të ngjitet në renditje.
3-Dëmtimet
E treta dhe jo më pak e rëndësishmja, janë dhe dëmtimet. Sportistët i nënshtrohen një stërvitje të shpeshtë dhe garave të ngjeshura, gjë e cila sjell dhe sforcim dhe lodhje. Dhe në këtë rast nëse një sportist dëmtohet, renditja ndryshon dhe Shqipëria ka ende shpresa për kualifikim në finalë në këtë disiplinë.
