Një aksident tragjik ka ndodhur paraditen e kësaj të Shtunë në Hamallaj, në aksin që të çon në Gjirin e Lalzit.
Dy automjete janë përplasur me njëra-tjetrën dhe për pasojë ka humbur jetën Elona Hoxha, pasagjere në njërën nga makinat.
“Rreth orës 10:00, në Hamallaj, shtetasi G.H., 67 vjeç, duke drejtuar mjetin është përplasur me një tjetër mjet me drejtues shtetasin B.D. Si pasojë e përplasjes ka ndërruar jetë shtetësja Elona Hoxha, e cila ishte pasagjere në mjet”, njoftoi policia.
Të dy drejtuesit e mjeteve janë shoqëruar në ambientet e Policisë për veprime të mëtejshme, ndërsa grupi hetimor ndodhet në vendngjarje dhe po punon për përcaktimin e shkakut të aksidentit, shtuan të njëjtat burime.
