Partizani është formatuar thuajse nga fillimi dhe skuadra e sezonit të kaluar nuk ekzsiton më. Pothuajse 80 përqind e futbollistëve janë larguar dhe kësisoj trajneri Ilir Daja ka rikompozuar një ekip të ri. Në këtë periudhë merkatoje janë bërë disa afrime, ku ndërhyrje të madhe ka pasur në prapavijë.
Vetëm Belica ka mbetur nga sezoni i shkuar dhe kësisoj drejtuesit sollën në ekip të gjithë futbollistët e kërkuar nga Daja. Ekipit i duhet kohë që të konsolidohet, edhe pse në ndeshjet e fundit kanë treguar nivel në lojën e tyre. Stenio Junior dhe Lucas Cardoso në majën e sulmit po bëjnë mjaft mirë.
Por, trajneri Daja ka kërkuar edhe një sulmues tjetër. Largimi i Jasir Asanit në krahun e djathtë, ka bërë që kryeqytetasi të vihet në kërkim të një futbollisti që të bëjë pikërisht rolin e mëngjërashit, por të luajë dhe si “pykë”. Me gjasë ky do të jetë lojtari që do t’i vërë “kapakun” merkatos së Partizanit në këtë periudhë “hyrje-daljesh”.
