Një tjetër sasi droge u kap në Portin e Durrësit. Bëhet fjalë për 6.5 kilogramë kokainë.
Sërish kokaina u kap në konteinerin e kompanisë ‘’Alba Exotic Fruit’’, pasi 10 ditë më pare pot ë njëjtës kompani iu kapën 11.5 kg.
Bëhet me dje se janë kontrolluar 10 kontejnerë e se në njërën prej tyre është gjetur kokaina, e ndarë në disa pako, shkruan BW.
Edhe ky kontejner ishte me fruta ekzotike. Kokaina në Portin e Durrësit vjen kryesisht nga Ekuadori, dhe si mjet përdoren kontejnerët e kompanive shqiptare të import-eksportit.
Për drogën e sekuestruar, është arrestuar menaxheri i kompanisë ”Alba Exotic Fruit”, Bajron Gumeni si dhe është shpallur në kërkim administratori Eduart Dauti.
