Artisti i njohur Eric Clapton nuk do të perfomojë në asnjë vend ku të pranishmëve ju kërkohet pasaporta e vaksinës. Kjo ishte një përgjigje ndaj njoftimit të qeverisë britanike se këto pasaporta do të kërkohen për të hyrë në klubet e natës deri në fund të shtatorit.
“Pas njoftimit të Kryeministrit, nderi im më detyron të bëj një njoftim vetë. Unë dua t’u them të gjithëve se kurrë nuk do të luaj në një skenë në prani të një publiku të diskriminuar” -është shprehur muzikanti.
Në maj, Clapton ndau përvojat e tij negative të marrjes së vaksinës AstraZeneca, duke pretenduar se kishte përjetuar reagime “të ashpra” që e lanë atë të pyeste nëse do të ishte në gjendje të luante përsëri kitarë.
