Kreu i SPAK, Arben Kraja ka kërkuar zgjatjen e mandatit të prokurorëve të Prokurorisë së Posaçme.
Në fjalën e tij në tryezën e thirrur me rastin e 5-vjetorit të nisjes së Reformës në Drejtësi, Kraja ka paraqitur punën e bërë nga institucioni që ai drejton, si dhe ka parashtruar disa problematika. Ai ka kërkuar ambiente për anëtarët e BKH-së, si edhe zgjatje të mandatit të prokurorëve të SPAK – ku aktualisht është 9 vite, pa të drejtën për t’u rizgjedhur.
“Për SPAK ka qenë një vit intensiv, po jepen produkte konkrete, shihet te pritshmëritë në raport me partnerët, shihet në raport me publikun, ka një rritje të besimit të njerëzve, duhet të jemi të ndërgjegjshëm që mes pritshmërisë dhe realizimit janë dy koncepte të ndryshme, ka ardhur koha të hedh 2 momente që lidhen me punën tonë, nevojën për një ambient të përshtatshëm për BKH, të ulemi dhe të gjemë një zgjidhje. Momenti i dytë është mandati i kufizuar për prokurorët e SPAK dhe të anëtarëve të BKH-së”, tha Kraja.
