29-vjeçari tenton të marrë me forcë vajzën e re, dhunon dhe të atin (EMRI)

Një 29-vjeçar është prangosur në flagrancë nga policia e Shkodrës ditën e sotme pasi ka përndjekur një vajzë, të cilën ka tentuar edhe ta marrë me forcë, ndërsa ka ushtruar dhunë edhe mbi të atin e saj shtetasin R. Rr., 60 vjeç, banues në lagjen “Qemal Stafa”.

Autori mësohet të jetë shtetasi, Ditmir Juka, 29 vjeç, i cili akuzohet për veprat penale “Përndjekja”, “Dhuna në familje”, “Shtrëngimi apo pengimi për të bashkëjetuar ose për të lidhur apo zgjidhur martesë” dhe “Kanosja“.

Nga strukturat e Stacionit të Policisë Velipojë, në bashkëpunim me Forcën e Posaçme “Shqiponja”, u bë arrestimi në flagrancë i shtetasit D. J., 29 vjeç banues në lagjen “Qemal Stafa”, Shkodër, për veprat penale “Përndjekja”, “Dhuna në familje”,“Shtrëngimi apo pengimi për të bashkëjetuar ose për të lidhur apo zgjidhur martesë” dhe “Kanosja“.
Për këtë shtetas ka bërë kallëzim shtetasja U. Rr., 23 vjeçe, banuese në lagjen “Qemal Stafa”, se është përndjekur dhe dhunuar fizikisht nga ky shtetas, i cili ka tentuar ta marrë me forcë duke e goditur, edhe babanë e saj, shtetasin R. Rr., 60 vjeç, banues në lagjen “Qemal Stafa”,- njofton policia.

LEXO EDHE  Ekspertët: Situata në Kosovë, rrezik edhe për rajonin

Në përfundimi të veprimeve u bë arrestimi në flagrancë i 29-vjeçarit dhe materialet iu referuan Prokurorisë së Rrethit Gjyqësor Shkodër, për veprime të mëtejshme.