Vakanca në SPAK, ja kush janë dy kandidatët që do të vlerësohen nga KLP

Këshilli i Lartë i Lartë i Prokurorisë në kuadër të procesit të vlerësimit të kandidatëve për prokuror në Prokurorinë e Posaçme, ka njoftuar kandidatët për t’u paraqitur në intervistë.

Përmes një njoftimi, KLP komunikon se intervista me secili kandidat do të zhvillohet nesër prej orës 09:00 të mëngjesit dhe do të zgjasë secila për 30 minuta.

Sipas KLP, dy kandidatët e përzgjedhur Adnan Xholi dhe Dorina Bejko plotësojnë kushtet ligjore dhe kriteret etike e profesionale.

“Me datë 18.05.2021, KLP ka shpallur dy vakanca për ngritjen në detyrë të prokurorëve në Prokurorinë e Posaçme. Brenda afatit të përcaktuar , kanë shprehur interes dy kandidatët z. Adnan Xholi dhe znj. Dorina Bejko.

LEXO EDHE  Temperatura deri në 40 gradë, ja si do të jetë moti sot

Pas verifikimit të plotësimit të kushteve ligjore nga ana e Komisionit të Posaçëm për ngritjen në detyrë si prokurorë në SPAK, Këshilli miratoi me vendim nr.195, datë 09.06.2021, listën e kandidatëve që plotësojnë kushtet ligjore dhe mund të vazhdojnë procesin e vlerësimit e kritereve të posaçme etike dhe profesionale si më poshtë:

Adnan Xholi

Dorina Bejko.

Intervistat do të zgjasin rreth 30 minuta për secilin kandidat dhe do të regjistrohen me audio dhe video”, thuhet në njoftimin e KLP.