Tripleta, mediat spanjolle lartësojnë sulmuesin Manaj

Paraqitja fenomenale e Rej Manaj me Barcelonën e madhe ka çmendur mediat spanjolle. Edhe pse një miqësore para-sezonale, tregolëshi i sulmuesit shqiptar ka marrë një jehonë të madhe, aq sa e kanë cilësuar Manaj edhe si “Mbret”.

Është prestigjiozja “AS” që luan me emrin e 24-vjeçarit, që në spanjisht do të thotë Mbret. Ndërkaq, “Mundodeportivo dhe “Marca” kanë thurur elozhe për futbollistin nga Lushnja, i cili është në derën dalëse të Barcelonës në këtë merkato vere.

LEXO EDHE  Depay: Mezi po pres, të luaj me Messin ka qenë ëndërr për mua

Por përballë Gjimnastik, Ronald Koeman ka mbajtur mirë shënimet për të, ashtu siç mund të ketë bërë edhe presidenti Laporta, prezent në shkallët e stadiumit në festivalin e golave të Manaj.

Ai shënoi në të gjitha mënyrat, me këmbë, gjoks dhe penallti, duke treguar se është një talent që ka të ardhme.