Në kërkim për plagosjen me armë, arrestohet i riu

Një i ri i shpallur në kërkim lidhur me një plagosje të ndodhur një vit më parë është arrestuar nga policia e Fierit.

Në pranga është vënë E.S., 29 vjeç, banues në Patos, i dënuar më parë për veprën penale “Trafikimi i lëndëve narkotike”. Gjykata e Shkallës së Parë Fier, me vendimin e datës 03.09.2020, ka vendosur për të masën e sigurimit “Arrest në burg” për veprat penale “Vrasje me paramendim” e mbetur në tentativë, kryer në bashkëpunim dhe “Armëmbajtja pa leje”.

LEXO EDHE  Yuri Kim në selinë e PD, takohet me Bashën

Në datën 17.08.2020, në afërsi të stadiumit në Patos, pesë shtetas, në bashkëpunim me njëri-tjetrin, kanë tentuar ta rrëmbejnë me forcë dhe më pas e kanë qëlluar me armë zjarri shtetasin K.S., i cili ka mbetur i plagosur.

29-vjeçari akuzohet si bashkëpunëtor në krim.