Duke filluar nga ora 19:00, Teuta do të presë në “Niko Dovana” rivalët e Inter D’Escalandes për turin e dytë të Ligës së Konferencës.
Të dyja skuadrat vijnë pas një zhgënjimi në Champions, teksa “djemtë e detit” kanë shansin e artë të bëjnë mirë dhe të vazhdojnë rrugëtimin në Kupat e Europës. Skuadra e Martinit vjen më se e karikuar në këtë ndeshje pasi do të luajnë në shtëpi në prani të tifozëve.
Inter D’Escalandes nuk është një kundërshtar i panjohur pasi një muaj më parë Prishtina i mundi 2-0 në “Ebasan Arena” për të vazhduar më tej në raundin e parë eliminator të Champions-it.
Sa i përket formacioneve, Edi Martini nuk i ka kursyer lojtarët cilësore duke aktivizuar nga minuta e parë emra si Taulant Seferi, Sherif Kallaku ndërsa vendin e Dejvi Bregut që u largua drejt Turqisë do ta zërë sulmuesi tjetër Blerim Krasniqi.
Formacionet zyrtare:
TEUTA – Frasheri, Todorovski, Hoxha, Arapi, Xhakson, Daja, Aleksi, Kallaku, Vila, Seferi, Krasniqi,
INTER D’ESCALANDES- Gomes, Besone, De Nova, Lima, Arias, Moreno, Betriu, Bosh, Roka, Artigas, Soldevila
