Një person është shoqëruar nga policia e Tiranës, pasi dyshohet se ka kërcënuar një gjyqtare.
Mësohet se arrestimi i tij është bërë në zonën e Komunës së Parisit në kryeqytet.
Ai fillimisht është shtrirë në tokë nga policia dhe mësohet se është shtetasi Andri Leka, 39 vjeç.
”Sherbimet e Komisariatit të Policisë Nr.2, si rezultat e një pune të mirëorganizuar, tek “Komuna e Parisit” kanë bërë kapjen dhe shoqërimin në ambientet e Komisariatit e shtetasit A. L., 39 vjeç, i shpallur në kërkim për veprën penale “Kanosja e gjyqtarit”, për veprime të metejshme hetimore.” – njofton policia.
Nuk dihet se kush është gjyqtarja dhe ende s’ka detaje për ngjarjen, ndërsa pritet nga policia sqarimi i rrethanave.
Andri Leka lindur në Durrës dhe banues në Tiranë ishte në kërkim nga policia.
