Pas 17 vitesh nga ndarja e tyre, Jennifer Lopez dhe Ben Affleck, u ribashkuan! Ata nisën sërish një histori dashurie dhe duken mjaft të lumtur në shoqërinë e njëri-tjetrit. E kohët e fundit janë parë në çdo vend së bashku.
Madje tani thuhet se ata duan që të blejnë një shtëpi, ku mund të jetojnë të dy. TMZ shkruan se ata i kanë vënë syrin një rezidence prej 64.95 milionë dollarë, e cila ndodhet në zonën e sipërme të lagjes “Holmby Hills”.
Sipas TMZ, kjo super vilë ka një hapësirë gjigande me 8 dhoma gjumi dhe 12 tualete. Në pjesën e brendshme të shtëpisë ndodhet një dhomë lojërash me një hapësirë prej katër pistash për të luajtur bowling, bar mbushur plot me pije, kinema, një palestër e kompletuar, parukeri, dhomë mjekësore, imitim i lojës së golfit, qilar verash me një dhomë degustimi, pishinë e brendshme dhe trajtime të plota spa duke përfshirë edhe saunën.
