Zyrtare/ U përfol për një kalim te Vllaznia, Bekim Balaj prezantohet te klubi i ri

Bekim Balaj i ka dhënë fund të gjithë dilemave për të ardhmen e tij, duke hedhur firmën në kontratën me klubin e tij të ri. Sulmuesi i përfaqësueses shqiptare stërvitej prej ditësh me Nizhni Novgorod, skuadrën e sapongjitur në elitën e futbollit rus, ndërsa sot ka ardhur edhe zyrtarizimi i marrëveshjes mes palëve.

Balajt i përfundoi kontrata me Shturm Grac dhe prej dy muajsh ishte në kërkim të një sistemimi të ri, me disa skuadra të Superiores që u munduan që të nisnin kontaktet me sulmuesin. Emri i tij u përfol shpesh pranë Vllaznisë, por 30-vjeçari e hodhi poshtë një mundësi të tillë pasi dëshironte të vazhdonte karrierën jashtë vendit tonë,.

LEXO EDHE  Nuk arriti të bindë trajnerin Daja, futbollisti rikthehet te Dinamo

Sot, ai është prezantuar si lojtari i ri i Nizhni dhe do të jetë i gatshëm për të luajtur që në ndeshjen e parë të kampionatit rus në këtë fundjavë ndaj Soçi.