Një plagosje me armë zjarri ka ndodhur në Kuçovë, ku një i ri është qëlluar më dorë. I lënduari është transportuar në spital, ndërsa autori është shpallur në kërkim, njoftoi këtë të Mërkurë policia lokale. Plagosja, sipas bluve, ka ardhur në kulmin e një konflikti mes palëve për motive të dobëta.
“Nga specialistët e Seksionit për Krimet në Komisariatin e Policisë Kuçovë u shpall në kërkim Robert Gjika, 29 vjeç, banues në lagjen ‘11 Shkurti’ pasi në këtë lagje, gjatë një konflikti të çastit për motive të dobëta, ka plagosur me armë zjarri pistoletë në dorë, shtetasin Xhuljano Kapllanaj, 25 vjeç, i cili ndodhet jashtë rrezikut për jetën”, njoftoi policia.
Materialet i kaluan Prokurorisë së Rrethit Gjyqësor Berat, për veprime të mëtejshme, shtuan të njëjtat burime.
