Fshiu kryqin e Katedrales së Shën Shtjefnit nga videoklipi, Capital T tregon çfarë ka ndodhur

Capital T është vënë në shënjestër të kritikave për faktin se në disa prej sekuencave të klipit “Buzëqeshje” nuk shihet kryqi i kishës përpara së cilës xhirohet. Fansat kanë vënë rë se ai ka fshehur kryqin që ndodhet në Katedralen e Shën Shtjefnit në Shkodër, në të cilën është xhiruar projekti i fundit muzikor.

Pas komenteve të shumta, lajmeve e kritikave, Capital T ka sqaruar gjithçka përmes disa postimeve. Fillimisht ai publikoi një moment nga klipi i këngës “Hitman”, të xhiruar brenda katedrales dhe shkroi: “Nëse unë e kam një qëndrim, do e kisha mbajtur. S’jam nga ata që tërhiqem, por kam qenë promovues i qyteteve dhe objekteve fetare, plazheve e bukurive natyrore në krejt Shqiptarinë dhe realisht jam ndër të parët që kam xhiruar nëpër kisha, por gabimet ndodhin. Unë s’jam kameraman, as editues dhe e vërteta është që nuk kam dorë në këtë gabim të produksionit dhe po bëjmë gjithçka që ta zëvendësojmë”.

LEXO EDHE  Publikohen pamje nga festa e ditëlindjes së Greta Koçit, ja sa vjeç bëri këngëtarja (Video)

“Si ka mundësi që të më pengojë në klip, por jo në Instagramin tim personal. Ku është logjika këtu? Futeni pak trurin në funksion”, vazhdon reperi.

“Faleminderit që përdorni logjikën dhe për këto 15 vite karrierë sadopak më njihni se kush jam e sesi jam e çfarë vlerash kam, të gjithë ju që pafund më keni nisur mesazhe të mira. Kurse ju portalet e dy lekëve jeni mësuar t’ju paguajnë artistët për të shkruar për ta e sot e paskeni gjet personazhin e ditës me njollos. S’kam kurrfarë ndjenje ndaj jush, po më vjen çudi si ka mundësi askush s’më mori në telefon për prononcim ose deklaratë apo nga që e dini realitetin thjesht u zgjuat dhe vendosët sot ky është ai që duhet të sulmojmë ne se deri sot s’kishim ku të kapemi. Epo ja ju erdh dita sot gjetët ku me u kap”, përfundon Capital T.