E rëndë/ Çifti mbante të burgosur për 8 vite si skllave pastruesen e shtëpisë

Një çift në Australi është dënuar me tetë vite burg, pasi akuzohet se ka mbajtur të burgosur si skllave, në shtëpi pastruesen nga India, në kushte ekstreme për plotë 8 vite.

Sipas medieve të huaja, Kumuthini Kannan nuk shfaqi asnjë shenjë pendimi gjatë seancës gjyqësore.

Po ashtu burri i saj u shpall fajtor nga gjykata, si bashkëpunëtor. Çifti u dënua me akuzën për skllavërrim.

“Asnjëri prej tyre nuk ka shprehur pendim, kjo është jo njerëzore,” tha gjykatësi John Champion.

Mësohet se çifti ka tri fëmijë dhe se njëri prej tyre është me aftësi të kufizuara. Autoritetet bëjnë me dije se çifti nuk kujdesej për fëmijët, duke i lënë ata pas dore.

LEXO EDHE  Burri ekzekutoi gruan me 8 plumba, zbardhen detajet e reja mbi krimin

The Guardian njofton se gruaja nga India, e cila tashme është 60 vjeç bënte punë të rënda, që prej moshës 12 vjeçare.

Në fillim ajo punonte në ndërtim e më pas nisi punën si pastruese, ndihmëse kuzhiniere.

Që prej viti 2007 gruaja punonte si ndihmëse shtëpiake për çiftin australian 23 orë në ditë,duke u kujdesur për fëmijët e çiftit, gatuar e  pastruar.

Gruaja paguhej 3.36 dollarë në ditë.

Gjykata gjithashtu kritikoi ashpër shërbimin e imigracionit të vendit sepse, autoritete nuk kontrolluan skadimin e lejes së qendrimit të gruas.