VIDEO/ Iu gjenden dy armë zjarri në “Benz”, arrestohen adoleshentët

Dy adoleshentë janë arrestuar dje në Durrës, pasi në mjetin me të cilin lëviznin janë gjetur dy armë zjarri.

Burime zyrtare nga blutë e qytetit bregdetar sqaruan se:

Shërbimet e Policisë kanë ndaluar mbrëmjen e djeshme në lagjen nr.17, Durrës, në rrugën “Vllazërimi” mjetin tip “Benz” e cila dispononte targa të një automjeti tjetër, me drejtues shtetasin M.A., (i cili drejtonte mjetin pa leje drejtimi) dhe pasagjer shtetasin E.N.

Gjatë kontrollit të kryer në automjet, shërbimet e Policisë gjetën dhe sekuestruan në cilësinë e provës materiale 1 armë zjarri kallashnikov, 1 krëhër me 10 fishekë, 1 pushkë si dhe automjetin me të cilin këta shtetas po lëviznin.

LEXO EDHE  Aksidenti i 3-fishtë, plagosen 1 grua dhe 1 fëmijë/ Detajet

Në vijim të veprimeve nga specialistët për Hetimin e Krimeve në Komisariatin e Policisë Durrës, arrestuan në flagrancë për veprat penale “Drejtimi mjetin në mënyrë të parregullt” dhe “Armëmbajtja  pa leje” shtetasin M. A., 17 vjeç dhe për veprën penale “Armëmbajtja pa leje” shtetasin E. N., 17 vjeç.

VIDEO