Greqia u trondit nga një tjetër ngjarje e rëndë vetëm pak javë pas vrasjes së 20-vjeçares Caroline nga i shoqi Babis Anagnostopulos.
Dimitris Vergos, 30-vjeçari pranoi autorësinë e vrasjes së 26-vjeçares greke Garyfallia në Folegandros, ku pas një debati me të e hodhi nga shkëmbi ndërsa doli sot për herë të parë para Prokurorisë për të kërkuar falje.
Sipas mediave greke, teksa hipi në automjetin e patrullës së policisë për t’u dërguar përsëri në qendrën e paraburgimit, ai tha “Ngushëllime dhe forcë për familjen e Garyfallia”. Ndërkohë, avokati i 30-vjeçarit ka thënë se prindërit e këtij të fundit janë ende të shokuar, ndërsa shtoi se ata kurrë nuk kanë pritur që fëmija i tyre të arrijë këtë veprim.
