Detaje të reja janë mësuar nga aksidenti me pasojë një të vdekur që u regjistrua ditën e sotme në aksin Rubik-Rrëshen.
Mësohet se në automjetin me targa italiane Land Rover po udhëtonin babë e bir nga Kosova. Mjeti po drejtohej nga babai, i cili është identifikuar si Hysen Saitaj, 58 vjeç.
Ndërkohë që, i plagosur ka mbetur djali i tij që është dërguar për mjekim në spitalin e Rreshenit, ndërsa drejtuesi dhe pasagjerët e autobusit fatmirësisht nuk kanë marrë lëndime.
Ngjarja u regjistrua rreth orës 17:22, ku mjeti autobus është përplasur me mjetin tip “Land Rover” me targa italiane. Drejtuesi i mjetit autobus është shoqëruar në Komisariatin e Policisë Mirditë, për veprime të mëtejshme.
Njoftimi i policisë:
Mirditë/Informacion paraprak
Rreth orës 17:22, në aksin rrugor Rubik-Rreshen ,mjeti autobus është përplasur me mjetin tip “Land Rover” me targa italiane, ku si pasojë ka gjetur vdekjen drejtuesi i mjetit ende i paidentifikuar.
Drejtuesi i mjetit autobus po shoqërohet në Komisariatin e Policisë Mirditë, për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
