Vetëvrasja e futbollistëve në Uruguai, Federata pezullon kampionatet

Një tragjedi e rëndë ndodhi të shtunën në mbrëmje në Uruguai teksa futbollisti Williams Martinez vari veten si pasojë e problemeve psikologjike. 38-vjeçari nuk kishte zbritur në fushën e blertë që prej vitit të kaluar kur rezultoi pozitiv me Covid-19 teksa është gjetur i vetëvrarë.

Martinez luante në rolin e qendërmbrojtësit dhe kishte një karrierë të pasur me skuadra në vendin e tij si futbollist dhe gjithashtu ishte aktivizuar dhe në kampionatin e futbollit në Francë për Reimsin dhe Valensienin. Ndërkohë vlen të theksohet se ngjarja ndodhi 6 muaj pas vdekjes së futbollistit Santiago Garsian.

LEXO EDHE  F1/ Hungaria stacioni i radhës

Rastet janë të ngjashme me njëra-tjetrën, si për Martinezin ashtu dhe Garsian, dyshohet se shkak ka qenë depresioni. Nisur nga situata alarmante, Federata Uruguaiane e Futbollit, vendosi të pezullojë kampionatin në fundjavë.

Mediat vendase raportojnë se vitin e kaluar ka pasur edhe disa raste të tjera në ligat e ulëta, duke ngritur alarmin për gjendjen psikologjike të futbollistëve në futbollin uruguaian.