U kap me drogë në makinë, GJKKO lë në burg efektivin e Policisë

Elefterios Sullaj, efektivi i arrestuar me urdhër të SPAK është lënë në burg nga GJKKO.

Kjo e fundit ka rrëzuar kërkesën e tij për një masë më të butë sigurie, duke e lënë në burg të paktën deri në përfundim të hetimeve.

LEXO EDHE  Emri/ Ndahet nga jeta ish-deputeti i PD, ndër më të votuarit në zgjedhje

Sullaj u arrestua rreth një muaj më parë së bashku me dy bashkëpunëtoret e tij, Mikel Zhegun, dhe Eris Tafën.

Sipas SPAK, Sullaj ndihmonte dy personat e lartpërmendur që të shmangnin kontrollet e kolegëve të tij, për të shpërndarë drogë në Tiranë.