Përmbytja masive në Gjermani, banorët të pashpresë: Nuk kemi energji elektrike as ujë të pijshëm

Situata në Gjermani duket se është qetësuar. Plot 157 persona humbën jetën dhe shumë të tjerë janë shpallur të zhdukur. Pas tragjedisë, flasin banorët të cilët humbën shtëpitë e tyre.

Disa nga reagimet:

“Nuk dimë ç’të bëjmë. Kam 4 fëmijë. Kjo është një fatkeqësi. Askush nuk më ka thënë se sa duhet për të rindërtuar këtë vend, që mund të shkojë deri në dy vite.”

“Nuk kemi energji elektrike as ujë të pijshëm. Nuk di ç’të them. Duhet të pushoj dhe të flas me njerëzit, ndryshe do të çmendem”

Një tjetër banor, rrëfen tmerrin e përjetuar, duke thënë se niveli i ujit u rrit nga 20 centimetra deri në mbi 1 metër vetëm për pak minuta.

LEXO EDHE  Zbardhet dinamika/ Plagosja në Shkodër, Policia: U qëllua nga RENEA, 52-vjeçari tentoi të largohej

Përmbytja masive në Gjermani, banorët të pashpresë: Nuk

Një ditë më parë, në zonat e prekura, ishte kancelarja Angela Merkel. “Është e tmerrshme. Nuk ka asnjë fjalë në gjuhën gjermane për të përshkruar këtë shkatërrim. Sidoqoftë, ajo që kam parë dhe ajo që është tepër ngushëlluese, është se si njerëzit qëndrojnë së bashku, si po ndihmojnë njëri-tjetrin”, deklaroi ajo.

Qeveria federale e Gjermanisë u zotua të ndjekë nga afë të gjitha veprimet për të rikthyer jetën normale në zonat e përmbytura.