Mesazhi i koduar i Yuri Kim: Zgjidhni të ardhmen mbi të kaluarën

Ambasadorja amerikane në Tiranë, Yuri Kim, ka postuar një mesazh disi të koduar, duke sugjeruar zgjedhjen e të ardhmes dhe jo të kaluarës.

Mesazhi është postuar sot në Twitter dhe nuk dihet nëse ka lidhje ose jo me zhvillimet politike aktuale në vend, megjithëse kjo nuk përjashtohet, apo me debatet që herë pas here hapen mes politikanëve apo shtresave të caktuara, lidhur me krimet e komunizmit.

Por, Kim shkruan se e ardhmja u përket atyre që e kuptojnë historinë si një shkollë nga e cila duhet të merren mësime.

LEXO EDHE  Vaksinim me detyrim për mësuesit? Ja mesazhi që është shpërndarë dhe çfarë kërkohet

“Shumë diskutime këto ditë rreth historisë.

Kur shikojmë nëpër Botë, shohim se e ardhmja u përket atyre që e kuptojnë historinë si një shkollë nga e cila duhet të merren mësime – jo një mauzole ose, më keq, një burg që bllokon të gjallët në të kaluarën.

Le të zgjedhim të ardhmen mbi të kaluarën”, shkruan Kim në rrjetet sociale.