Tea Trifoni, e ftuar në rubrikën “N’fermë” në E diell, ka folur për lidhjen e saj të re pa komplekse. Duke i mbajtur të fshehtë identitetin të dashurit, ajo ka zbuluar çdo detaj për të cilin u pyet.
“Nuk kam thënë që jam e dashuruar. Është dikush që unë jam duke e njohur për momentin. Është figurë jopublike, shumë njeri i thjeshtë afër nga zona ime, nga Fieri”, ka treguar fillimisht Tea. Më pas ajo ka rrëfyer si u njohën. “Shumë rastësisht. Kur nuk e pret të vjen. Isha me Fationin duke festuar për qejfin tonë edhe kështu na doli ky bandilli aty”, është shprehur ajo.
E pyetur nga gazetari Ervin Kurti se si e bëri për vete “bandilli”, ish-konkurrentja tha se ishte shumë i ëmbël e se komplimentet që i bëri në fillim nuk ishin për sytë siç i bëjnë zakonisht, por për karakterin dhe inteligjencën. Tea tregoi edhe për puthjen e tyre të cilën e kanë shkëmbyer tashmë duke shtuar se ishte shumë e ëmbël.
