“Delta”, Rama: Vaksinat nuk ju mbrojnë nga infektimi, por…

Kryeministri Edi Rama iu drejtua me një apel qytetarëve të vaksinohen kundër Covid-19. Rama u shpreh se se varianti i ri ‘Delta’, ka trasmetueshmëri më të lartë dhe është më agresiv.

Që varianti “Delta” ka transmetueshmëri më të lartë se variantet e deritanishme të Covid-19 është konfirmuar nga studime të ndryshme, por që është më agresiv, nuk thuhet të paktën nga këto studime.

Sipas Ramës të gjithë personat e vaksinuar, edhe në rast se infektohen, shfaqin simptoma më të lehta të Covid, dhe kanë shanse pothuajse zero që të përfundojnë të shtruar në spitale.

Apeli i Ramës vjen vnjë kohë kur kjo javë është programuar për vaksina pa respektuar fashat e moshës, pra të gjithë personat mbi 18 vjeç, mund të vaksinohen. Dhe kuptohet vaksina që do të përdoret është ajo kineze “Coronavac”.

Kryeministri duket se i është rikthyer rolit të tij si “epidemiolog” apo ekspert i shëndetit publik, që përpiqej ta luante në muajt e parë të pandemisë kur edhe u vetëshpall si “gjenerali i luftës me armikun e padukshëm”.

LEXO EDHE  Durrës, një tjetër pushues humb jetën/ U mbyt në det

“Përtej faktit që Shqipëria ka ecur jashtëzakonisht mirë, dhe renditet në vendet e para sa i takon efikasitetit të vaksinimit ka ende persona skeptikë. Varianti i ri i Covid është më agresiv, përhapet shpejt, dhe është i rrezikshëm kur prek personat e pavaksinuar.

Vaksina nuk të bën të paprekshëm nga virusi, por ama e bën shumë më të dobët virusin që futet në organizëm. Kur infektohet një person i vaksinuar, shanset që ai të shkojë në spital janë zero.

Ne do të bëjmë gjithçka që kemi në dorë për të kaluar hendekun”, u shpreh Rama.

Çdo qytetar që është mbi 18-vjeç dhe dëshiron të vaksinohet, mund të paraqitet në çdo qendër me kartë identiteti me vete, për të bërë dozën e parë të vaksinës”, tha Rama.

Në Shqipëri aplikohen disa lloje vaksinas, por dominon ajo kineze Coronavac, pavarësisht raportimeve të përditshme të Ministrisë së Shëndetësisë mbi mbërritjen në Shqipëri të mijëra doza vaksinash Pfizer, që rezultojnë edhe më efektivet kundër Covid-19.