Roma ka zhvilluar ditën e sotme ndeshje e dytë miqësore. Verdhekuqtë janë përballur me Triestinën, skuadrën e Serie B dhe sfida u mbyll me fitoren 2-0 për ekipin kryeqytetas që drejtohet këtë sezon nga Jose Mourinho.
Goli i parë i ndeshjes u shënua nga Carlos Perez në fraksionin e parë, ndërsa i dyti nga Marash Kumbulla. Mbrojtësi shqiptar u aktivizua në pjesën e dytë dhe pas një krosimi nga goditja e këndit gjuajti saktë me kokë duke e dërguar topin në rrjetë.
Ky ishte goli i parë i Kumbullës me Mourinhon dhe ishte një sinjal për trajnerin pasi mbrojtësi I Kombëtares shqiptare kërkon të luajë si titullar në Serie A.
