Sulmuesi shqiptar, Astrit Selmani, është bërë protagonist ditën e sotme duke shënuar vetëm pas 26 sekondash lojë në fitoren e skuadrës së tij Hamarbi ndaj rivalëve të Orebros në Suedi.
24-vjeçari shfrytëzoi bukur një pasim brenda zonës për të mposhtur portierin kundërshtar me një diagonale në cepin e majtë të portës.
Goli i Selmanit i dha rrugë fitores së Hamarbit, që realizoi dhe një herë në pjesën e dytë për të marrë 3 pikë mjaft të rëndësishme në kuadër të javës së 11-të të kampionatit suedez të futbollit.
Astrit Selmani u transferua në janar tek Hamarbi nga skuadra tjetër e Varbergsit ku qëndroi për 2 sezone dhe realizoi 30 gola.
24-vjeçari ka lindur në Suedi dhe është grumbulluar më parë me përfaqësuesen e Kosovës, por pa bërë ende debutimin me “Dardanët”.
