U largua nga Partizani pas një sezoni zhgënjyes, “bomberi” shqyrton ofertat për skuadrën e radhës

Partizani B la pas një sezon zhgënjyes në Kategorinë e Parë, duke qëndruar vetëm një vit në këtë nivel të futbollit shqiptar. Për ekipin e dytë të klubit përfaqësimi në të Parën ishte historik, pasi askush më parë nga skuadrat e tjera në vend nuk ka pasur një skuadër B në këtë nivel.

Mirëpo, edhe pse Partizani B zbriti në të Dytën, disa nga lojtarët e kuq lanë gjurmë të mëdha në sezonin e fundit në të Parën. Një prej tyre ishte golashënuesi më i mirë, Odeon Bërdufi. Sulmuesi 30-vjeçar shënoi tetë gola në 23 ndeshje me fanellën e kuqe në sezonin e fundit, duke spikatur si një ndër lojtarët më të mirë në rolin e tij në Grupin A.

LEXO EDHE  Rënia e rrezikshme e atletit peruan në Lojërat Olimpike, videoja bëhet virale

Mirëpo, pas përfundimit të sezonit dhe dilemës së klubit të kuq për të shkrirë Partizanin B dhe formuar një ekip U-21, që të marrë pjesë në këtë kampionat, ka bërë që Bërdufi të shikojë mundësi të tjera. Ai është tashmë lojtar i lirë dhe duke shqyrtuar ofertat. Nuk është çudi që sulmuesi shtatlartë të firmosë në një nga skuadrat e Superiores, pasi mësohet se në drejtim të tij ka kërkesa konkrete.