Misteri/ Vritet 26-vjeçarja, kishte shkuar në plazh me të dashurin

Një ngjarje e mistershme ka ndodhur në zonën e Ligarias, në Folegandros, Greqi, ku dallgët e detit kanë nxjerrë në breg trupin e pajetë të një 26-vjeçareje.

Ngjarja e rëndë është regjistruar ditën e djeshme, ndërsa autoritetet thanë se e reja kishte shkuar në Folegandros bashkë me të dashurin, i cili rezulton i zhdukur.

Sipas ekzaminimeve mjeko-ligjore, vajza ishte vrarë dhe më pas është hedhur në det.

Disa dëshmitarë kanë pohuar se kanë parë 26-vjeçaren të dalë nga makina, ku mbante një çantë në dorë dhe më pas i është drejtuar zonës së plazhit.

LEXO EDHE  Basha publikon foton e Ramës nga helikopteri: Ia hoqi FA për udhëtimet e tij personale

Sipas dëshmisë së familjarëve dy të rinjtë shkuan së bashku për të bërë pushime në ishull dhe kishin ngritur një kamping për të qëndruar disa ditë në zonë.

Pas lajmit tragjik për vdekjen e vajzës, familjarët e saj dhe të djalit janë të shokuar, ndërsa banorët e zonës janë mobilizuar për të gjetur të riun që shoqëronte 26-vjeçaren në ishull.