Polumbarët dhe ekipet e shpëtimit kanë nisur që në orët e para të mëngjesit të sotëm kërkimet për trupin e 45-vjeçarit, të denoncuar ditën e djeshme nga familjarët, se ishte mbytur në liqenin e Farkës në kryeqytet.
Polumbarët janë në kërkim të shtetasi B.H., 45 vjeç, ndërsa mësohet se të pranishëm në kërkimet që po bëhen në këto momente janë edhe familjarët e 45-vjeçarit.
Njoftimi:
“Tiranë/Informacion paraprak / Në Liqenin e Farkës, nga deklarimet e para të marra nga familjarët dyshohet se është mbytur në liqen shtetasi B. H., rreth 45 vjeç. Është bërë njoftimi i polumbarëve për kërkimin e trupit të 45-vjeçarit. Grupi hetimor ndodhet në vendngjarje dhe po punon për përcaktimin e rrethanave të ngjarjes.”, thuhej në njoftimin e djeshëm të Policisë.
