Anëtarët e Këshillit Kombëtar të PD, vijon numërimi i votave. Ja kur pritet rezultati

Në Partinë Demokratike vijon numurimi i votave për shpalljen e anëtarëve fitues të Këshillit Kombëtar të kësaj partie.

Nga raportimet mësohet se procesi mund të përmbyllet në orët e mesditës, edhe pse mbrëmjen e djeshme, Jemi Gjana, me cilësinë e Kryetarit të Komisionit Zgjedhor në PD, tha se rezultati mund të shpallej në orët e para të ditës së sotme.

Këshilli Kombëtar i PD-së aktualisht drejtohet nga Bujar Nishani dhe janë 300 emra që do të zgjidhen së bashku me deputetët.

LEXO EDHE  ‘SHBA, partner i palëkundur’/ Biden zotohet para qytetarëve të Kosovës: Vazhdojmë së bashku...

Kryetari i Komisionit Zgjedhor në PD, Jemin Gjana, nëpërmjet një deklarate për mediat, ka treguar ecurinë e deritanishme të procesit të numërimit për anëtarët e rinj të Këshillit Kombëtar.

Sipas tij, numri i delegatëve të pranishëm në Kuvendin Kombëtar, nga 7.646 delegatë gjithësej, të pranishëm në Kuvend kanë qenë, e nga këto, 5.703.

Këshilli Kombëtar këtë herë vjen me një risi pasi 90 anëtarë do të jenë femra dhe 45 do të jenë të zgjedhur nga forumi rinor i PD.