Një 57-vjeçar shqiptar është vrarë me thikë në Itali. Sipas mediave italiane, ngjarja e rëndë ka ndodhur sot në zonën e Novarës, ku pas një sherri, një 63-vjeçar italian ka goditur me thikë shqiptarin, i cili humbi jetën në spital.
Mësohet, se fillimisht shqiptari dhe autori kanë debatuar disa çaste, por më pas sherri ka degjeneruar në dhunë dhe deri në përdorimin e armës së ftohtë që i ka kushtuar jetën shqiptarit 57-vjeçar.
Ishin këmbësorët ata që e panë shqiptarin në rrugë dhe njoftuan ambulancën menjëherë. Ndërsa autori u tha policëve se ai e vrau shqiptarin për t’u vetëmbrojtur.
