Mark Marku kritika kryetarit dhe të tijëve: Propozimet e Bashës janë kot! Kemi nevojë për rithemelim të partisë

Mark Marku, deputeti i zgjedhur i PD në Qarkun e Lezhës, lëshoi kritika ndaj të tijve dhe kryetarit Basha gjatë fjalës në podiumin e Këshillit Kombëtar të Partisë Demokratike.

Ai shprehu pakënaqësi për mënyrën e veprimit të Kuvendit të PD, që fillimisht miratoi miraton ndryshimet për statutin e ri, të propozuara nga Basha, e më pas radhën e kishin diskutimet.

Ndërkohë, lidhur me propozimet, tha se “janë kot”: “S’mendoj se ka çalu puna apo jemi këtu ku jemi se Kuvendi ka pasur pak anëtarë”.

“Nëse ne nuk kapin kohën politike, ne rrezikojmë që pas 4 vitesh të mblidhemi këtu dhe të themi; na vodhën prapë. Ose masakër zgjedhore. Duhet të mendojmë që mos të na vjedhin sërish. Kur na vjedhin dy herë shtëpinë, e ke pak fajin dhe ti, se ke lënë derën hapur. Por diçka nuk shkon, t’i mbyll kuvendin, voton dhe pastaj flas unë këtu. Ky Kuvend do të prodhojë dy gjëra i bie. Zgjero sa më shumë Kuvendin, por aq më shumë e defunksionalizon. Po hajde ta bëjmë partinë të gjithë Kuvend Kombëtar…”, tha ai.

LEXO EDHE  Polarizohet zhvillimi i rajoneve, varfërohet Veriu, “pasurohet” Tirana dhe qendra

“Kemi thirrur një Kuvend të jashtëzakonshëm për të miratuar vendime të zakonshme në një situatë të jashtëzakonshme. Kështu e shndërrojmë PD në një opozitare permanente”, deklaroi ai.

Marku tha se “është krim të mashtrosh ata që na besuan, ti themi ‘na besoni’, ndërkohë që kemi 8 vjet që i themi të njëjtën gjë”.

“PD është e pabesueshme si ofertë ndryshimi është se vetë e refuzon ndryshimin”, shtoi ai.

“Ne nuk jemi Parti Demokratike, gjithçka e përcakton kryetari, kryesia”, vijoi.

Marku tha se PD ka nevojë për një rithemelim të partisë.