Ish mbrojtësi i Anglisë dhe Manchester City, Wayne Bridge ka zbuluar se disfata e ekipit anglez ndaj Italisë në finalen e Kampionatit Evropian ka qenë e dhimbshme për shkak të marrëdhënies së tij me trajnerin aktual italian Roberto Mancini.
Ish lojtari pretendon se arsyeja e vetme pse Mancini ishte i suksesshëm te Man.City ishte për faktin se ekipi në përbërje kishte yje dhe se sipas tij meritat nuk i shkojnë trajnerit.
“Nuk do të thoja se ajo me Mancinin është aventura më e keqe që kam pasur ndonjëherë, por taktikisht mendoj se ai si trajner nuk është aq i mirë”, shpjegoi ish mbrojtësi anglez.
“Familja ime jo vetëm po brohoriste për Anglinë, por ata po brohorisnin që Mancini të humbte, kështu që dhembi edhe më shumë ajo humbje. Të gjitha meritat për atë që bëri te Manchester City kur fitoi kampionatin shkuan për të, kështu që tifozët e Cityt e duan atë, por nëse shikon lojtarët dhe ekipin që ai kishte, kuptohet që e fituan ata titullin dhe jo ai ajo që ai si trajner”.
Në vitin 2009, Bridge u bashkua me Manchester City, ku ai qëndroi deri në 2013. Në atë periudhë ai përkoi me Roberto Mancinin trajneri me të cilin nisën edhe problemet e tij.
“Unë pata disa zënka me të. Qëndrova atje për disa muaj dhe u kaluam mirë, por nuk më pëlqeu aspak puna me Mancinin,” tha Wayne Bridge, ish mbrojtësi anglez.
