Ermal Xhakës, 37 vjeç, me detyrë ish-kryeinspektor i Inspektoratit Vendor të Mbrojtjes së Territorit në bashkinë Dibër, është arrestuar për shpërdorim detyre.
Ai është vënë në pranga në kuadër të operacionit “Inspektorati”, ku një ditë më parë u ndaluan 4 shtetas dhe u proceduan penalisht 3 të tjerë për veprën penale “Shpërdorim Detyre”.
Sipas hetimeve, Xhaka, në bashkëpunim me punonjës të tjerë të Inspektoratit Vendor të Mbrojtjes së Territorit në bashkinë Dibër, dyshohet se nuk kanë ushtruar kontrollin konform ligjit dhe kanë përpiluar akte administrative fiktive në lidhje me kontrollet e zhvilluara, duke lejuar shfrytëzimin e një hapësire publike në pronësi të bashkisë Dibër, për të kryer ndërtim të paligjshëm në emër dhe për llogari të përfituesve, shtetasve Sh.B. dhe B.B..
LEXO EDHE:
