Para se t’i vriste u pinte gjakun, arrestohet 20-vjeçari që masakronte fëmijët

Policia Keniane njoftoi sot arrestimin e një 20-vjeçari, i cili është quajtur “vampir” dhe që dyshohet se vrau të paktën dhjetë fëmijë në pesë vitet e fundit. Raportohet se Masten Milimo Wangjala u arrestua për vrasjen e dy fëmijëve, kufomat e të cilëve u gjetën në një zonë të pyllëzuar të Nairobi. Në deklaratën e tij në polici, i riu rrëfeu se vrau të paktën dhjetë adoleshentë.

“Wanjala vrau viktimat e tij pa mëshirë, ndonjëherë duke pirë gjakun e tyre para se t’i vriste”-tha Departamenti i Hetimit Penal në Tëitter, duke e quajtur atë një “vampir të etur për gjak”.

Ndërkohë, autoritetet gjyqësore e urdhëruan atë të qëndronte në paraburgim për 30 ditë, në mënyrë që t’i jepte kohë policisë për të përfunduar hetimet. Sipas policisë, viktima e parë ishte një vajzë 12-vjeçare që e rrëmbeu atë pesë vjet më parë nga zona Matsakos, në lindje të Nairobi.

Vrasja e viktimës tjetër, një djalë shkaktoi mobilizim në Kenia perëndimore, ku disa i vunë flakën shtëpisë së një të dyshuari.

“Me një përshkrim të hollësishëm dhe të dhimbshëm, vrasësi tregoi detajet e tmerrshme, mënyrën në të cilën ai tërhoqi viktimat dhe mori jetën e këtyre fëmijëve të pafajshëm”, shtoi Departamenti i Hetimit Penal.

LEXO EDHE  Guadeloupe është ishulli i fundit francez që mbyllet në mes të situatës 'katastrofike' të COVID

Ai i fshehu trupat e viktimave në shkurre ose i hodhi në kanalizimet e qytetit. Policia po vazhdon së kërkuari fëmijë të tjerë që besohet se janë vrarë nga Ëangzala. Në një rast, ai kërkoi 30,000 shilinga Keniane, rreth 235 euro nga prindërit e një adoleshenti para se ta vriste këtë të fundit.

Shumë raste të rrëmbimit të fëmijëve janë raportuar kohët e fundit, shpesh gjatë rrugës për në shkollë. Disa prej tyre më vonë u gjetën të vdekur, gjë që shkaktoi panik në familjet.